Egyhunter

Egyhunter

المنتدى الاول فى العالم العربى
 
الرئيسيةس .و .جبحـثالأعضاءالمجموعاتالتسجيلدخول

شاطر | 
 

 سندريلا 2008

اذهب الى الأسفل 
كاتب الموضوعرسالة
Monia
عضو فعال
عضو فعال
avatar

انثى
عدد الرسائل : 62
العمر : 29
العمل/الترفيه : صيدلانية
تاريخ التسجيل : 10/12/2008

مُساهمةموضوع: سندريلا 2008   2009-01-02, 2:49 pm

تدخل مرات الاب على سندريلا في الدولاب الي بتنام فيه

مرات الاب : بت يا سندريلا اصحى يا بت كاك خابط فى نفوخك

سندريلا : اييييه يا مرات ابويا خمسه اخطف حلم سريع بس وهقوم

مرات الاب: قومى يا بت قامت قيامتـك

وصحيت سندريلا وهى بتأفأف وتفتــف

مرات الاب : يـاله قومى اكنسـى وامسحى على ما نيجى

سندريلا : وانتو رايحين فين ومتزوقينكده وكل واحده عامله نيو لوك

روش

مرات الاب : رايحين حفله الامييير اللى حيختار واحده عشان يتجوزهـا

سندريلا : خدونى معاكو انا عاوزه اروح بليز بليييييييز

مرات الاب : ايه بليز دى كتك القرف وتروحى فين يا موكوسـه بلبسك

المقطع ده انا عايزه ارجع الاقى البيت بيبرق من نضافته

ومشيت مرات الاب وبناتها الخمسة وقعدت سندريلا تعيـط وتوأوأ

وفجــأه طلعتلها الســاحره من البوتاجاز

الساحره : مالك يا سندريلا

سندريلا : كان نفسى اروح معـاهم الحفله بتاعة عمرو دياب بس

لبسى مقطع و موبايلى مفهوش رصيد ولابسه شبشب

بصباع

الساحره : ولا يهمك

وطلعت الساحرة من جيبها الموبايل وطلبت الاتليه بتاع مدام لولو يبعتو

فستان وجزمه اخر موديـل

فرحت سندريلا ولبست وحطت الاي شادو و الجليتور ورشت البرفان



بس الساحره قالتلها : قدامك للساعه 12 لازم ترجعى والوقت كالحبل

ان لم تقطعة ربطك وكعبلك وقعد يخنق فيكى...........

انا صعيديه ودمى حامى ومعندش بنات تتأخر

و لو اتأخرتى حترجعى زى ما كنتى

بلبسك القديم وسط الناس يازباله انتى بت بيئة صح

سندريلا : حاضر حاضر


خرجت سندريلا من البيت لقت الساحره مجهزة عربية( دايو نوبيرا فضى 70241 )

ركبت سندريلا

وراحت ع القصـر

ولفت جمــالها كل اللى موجودين و اول ما عين الامير وقعت عليها راح

وطلب يرقص معاها و وافقــت

نظرات ... همسات .... صمــت ........ حــــب

ترررررررررن ترررررررررررن

سندريلا : ده الساحره بتدينى ميسد كول .. يا خبر الساعه 12

وقامت طالعه تجرى وقال ايه ... وهى بتجرى فرده الجزمه اتخلعت.

و خدها الامير المعجب و نده للوزير

الامير : يا وزير هيثـــــم

الوزير : امرك مولاى

الامير : خد الجزمه دى اسحبلى صورتها اسكانر

و نزل صورتها فى كل الجرايد و ع الويب سايت بتاع قريتنـا وعلى قناة

ميلودى افلام

واكتب الى صاحبه هذه الجزمه التوجهه للقصـر الملكــى فوراااااااااا

بنات كتير جدا راحو و يا سبحان الله الجزمه مجتش على مقاس حد

فيهم (ال يعنى سندريلا مقاس رجليها رجل معزه )



وبعد كده شاهدت سندريلا الاعلان عن فرده الجزمه على ام بى سى 2

مع انه معملش اعلان خالص على القناة دى

وقامت بالتوجهه الى القصر وتزوجت هى والامير

وعاشو فى تبات ونبات و خلفو تؤام ملتصق وشويه بنات والحياة بقت

بمبى بمبى
......................
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.egyhunter.dahek.net
Mohamed Abd Elwahab
مدير
مدير
avatar

ذكر
عدد الرسائل : 91
العمر : 34
الموقع : www.egyhunter.dahek.net
العمل/الترفيه : Lawyer
المزاج : Well
تاريخ التسجيل : 08/12/2008

مُساهمةموضوع: رد: سندريلا 2008   2009-02-16, 1:40 pm

جميله القصه دى
ونفسى اعرف القصه دى بتاعت فيلم ايه
عموما تسلم ايدك ........................والمنتدى مستنى منك المزيد
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://egyhunter.dahek.net
 
سندريلا 2008
الرجوع الى أعلى الصفحة 
صفحة 1 من اصل 1
 مواضيع مماثلة
-
» تحميل او استماع بعض أغاني الشاب رضوان2008
» كوكتيل اغاني 2008
» حصري علي منتديات دودى وبس البوم تيتو 2008
» حصريا البوم رضا البحراوى 2008 على شباب نت
» حصريا حفل إفتتاح أولمبياد (بكين 2008) كاملآ بحجم 720 ميجا تحميل مباشر

صلاحيات هذا المنتدى:لاتستطيع الرد على المواضيع في هذا المنتدى
Egyhunter :: المنتديات العامه :: (المنتدى العام) :: قسم الضحك والفرفشة-
انتقل الى: